لاہور(امت نیوز)آئی سی سی ڈریم ٹیم میں صرف محمد عباس شامل کئے گئے ہیں۔جبکہ ون ڈے فارمیٹ کوئی بھی پاکستانی شامل نہیں۔بھارت کے کپتان آئی سی سی کی طرف سے 2018کے لئے اعلان کردہ ٹیسٹ اور ون ڈے دونوں ٹیموں کے کپتان منتخب ہوگئے، ٹیم کا انتخاب سابق کرکٹرز اور جرنلسٹس پر مشتمل آئی سی سی کی ووٹنگ اکیڈمی نے کیا ۔ آئی سی سی ووٹنگ اکیڈمی کے ممبران میں پاکستان کے رمیض راجہ، عبدالمحی شاہ، مظہر ارشد اور بازید خان بھی شامل تھے۔ آئی سی سی کی طرف سے ون ڈے ٹیم میں کوئی پاکستانی کھلاڑی جگہ نہ بنا سکا تاہم ٹیسٹ ٹیم میں 3 بھارتی، 3 نیوزی لینڈ اور ایک پاکستانی کھلاڑی کو شامل کیا گیا ہے جبکہ ون ڈے ٹیم میں بھارت اور انگلینڈ کے 4،4 کھلاڑی جگہ بنانے میں کامیاب رہے۔