لاہور(امت نیوز) سپورٹس بورڈ پنجاب کے زیراہتمام کوچنگ کیمپ آف سپورٹس بورڈ پنجاب اختتامی مراحل میں داخل ہوگئے ہیں، لاہور، سیالکوٹ اور گوجرہ میں جاری اتھلیٹکس، والی بال اور ہاکی کے تربیتی کیمپس میں کھلاڑیوں کو کوچز جدید خطوط پر تربیت دے رہے ہیں، ڈائریکٹر جنرل سپورٹس پنجاب ندیم سرور نے جمعرات کے روز اپنے ایک بیان میں کہا کہ سپورٹس کی ترقی کے لیے ضروری ہے کہ گراس روٹ لیول سے باصلاحیت کھلاڑی تلاش کئے جائیں اور ان کی صلاحیتوں کو مزید نکھارا جائے، سپورٹس بورڈ پنجاب نے اسی لئے انڈر 16 کھلاڑیوں کے لئے تربیتی کیمپس لگائے ہیں۔