لاہور( رپورٹ -قیصر چوہان)دنیا کا نمبر ون پاکستانی ٹی ٹوئنٹی اسکواڈ تیار کرلیا گیا ہے۔جبکہ ٹی ٹوئنٹی میں پانچویں درجے کی جنوبی افریقی ٹیم کیخلاف سیریز میں اسپیڈ اسٹار محمد عامر کی واپسی ہوئی ہے۔ واضح رہے کہ دونوں ٹیموں کے درمیان ٹین ٹی ٹوئنٹی میچز کی سیریز کھیلی جائیگی۔ جس میں پاکستان کو فیورٹ قرار دیا جارہا ہے۔تفصیلات کے مطابق جنوبی افریقہ کیخلاف ٹی ٹوئنٹی سیریز کے لیے پندرہ رکنی قومی ٹیم کا اعلان کردیاگیاہے۔سلیکشن کمیٹی کی طرف سے ٹیم انتظامیہ کی مشاورت کے بعد بورڈ سربراہ احسان مانی کی منظوری کے بعد ٹیم کا اعلان کیا گیاہے۔ نیوزی لینڈ کے خلاف سیریز میں شامل وقاص مقصود کو ڈراپ کردیاگیاہے، جبکہ فاسٹ بالر محمد عامر کی واپسی ہوئی ہے۔کھلاڑیوں میں کپتان سرفراز احمد ، بابر اعظم، فخر زمان، صاحب زادہ فرحان، شاداب خان، آصف علی، حسن علی ، فہیم اشرف، عثمان شنواری، حسین طلعت، شعیب ملک، محمد حفیظ ،شاہین آفریدی ،عماد وسیم، اور محمد عامر جگہ پانے میں کامیاب ہوئے ہیں۔