آکلینڈ(اسپورٹس ڈیسک) کوہلی کے بعد دھونی نے بھی برائن لارا کا ریکارڈ توڑ ڈالا۔ بھارتی ٹیم کے مایہ ناز وکٹ کیپر بلے باز مہندرا سنگھ دھونی نے سابق ویسٹ انڈین بلے باز برائن لارا کے ون ڈے انٹرنیشنل کرکٹ میں زیادہ رنز کا ریکارڈ توڑ دیا، اسطرح وہ زیادہ رنز بنانے والے دنیا کے 11 ویں کھلاڑی بن گئے، انہوں نے گزشتہ روز نیوزی لینڈ کے خلاف کھیلے گئے دوسرے ایک روزہ میچ میں 48 رنز کی ناقابل شکست اننگز کھیل کر لارا کا ریکارڈ توڑ کر یہ اعزاز حاصل کیا۔