کیپ ٹائون(اسپورٹس ڈیسک) جنوبی افریقہ نے پاکستان کے خلاف شیڈول تین ٹی ٹونٹی انٹرنیشنل کرکٹ میچوں پر مشتمل ہوم سیریز کیلئے سکواڈ کا اعلان کر دیا، سیاہ فام فاسٹ بائولر لوتھو سیپاملا کی پہلی بار ٹیم میں طلبی ہوئی ہے، وکٹ کیپر بلے باز گیہان کلوئٹ کی دوبارہ واپسی ہوئی ہے، انہوں نے اکتوبر 2018ء میں زمبابوے کے خلاف ٹی ٹونٹی ڈیبیو کیا تھا۔ جنوبی افریقہ اور پاکستان کے درمیان ٹی ٹونٹی سیریز کا آغاز یکم فروری سے ہو گا۔