کیپ ٹائون(اسپورٹس ڈیسک) جنوبی افریقہ نے پاکستان کے خلاف شیڈول آخری اور فیصلہ کن ون ڈے انٹرنیشنل کرکٹ میچ کیلئے آل رائونڈر ویان ملڈر کو ٹیم میں طلب کر لیا۔ ملڈر نے آخری مرتبہ گزشتہ سال ستمبر میں ایک روزہ میچ میں ٹیم کی نمائندگی کی تھی۔ جنوبی افریقہ اور پاکستان کی ٹیمیں فیصلہ کن ون ڈے میچ میں (آج) بدھ کو کیپ ٹائون میں آمنے سامنے ہوں گی، دونوں ٹیموں کے درمیان پانچ میچوں کی سیریز 2-2 سے برابر ہے۔