ڈیرن سیمی پشاور میں قیام کرینگے

کراچی (خبرایجنسی )پشاور زلمی کے کپتان ڈیرن سیمی 4 فروری کو پشاور پہنچ رہے ہیں، وہ پی ایس ایل فور کے لیے زلمی ٹیم کی کٹ لانچنگ تقریب میں شرکت کریں گے۔پی ایس ایل سیزن 4کے لیے پشاور زلمی کی کٹ اور اینتھم لانچ4 فروری کو پشاور میں ہوگا،گورنر ہاوس میں ہونیوالے ایونٹ میں پشاور زلمی کے تمام سپر اسٹار کرکٹر، کوچز اور ٹیم مینجمنٹ شریک ہوگی۔پشاور زلمی کے اسٹار کرکٹرز مصباح الحق ، کامران اکمل، وہاب ریاض،عمر امین،عمید آصف ،بھی شریک ہوںگے جبکہ پشاور زلمی کے چیرمین جاوید آفریدی،صدر ظہیر عباس،یونس خان،ہیڈکوچ، مینجر شریک بھی تقریب کا حصہ ہوںگے۔