اسلام آباد (اسپورٹس ڈیسک) پاکستان بلائنڈ کرکٹ کونسل (پی بی سی سی) کی سلیکشن کمیٹی نے سری لنکا کے خلاف سیریز کیلئے 15کھلاڑیوں کو شارٹ لسٹ کرکے فہرست حتمی منظوری کیلئے چیئرمین کو بھجوا دی تاہم سیریز کیلئے حتمی قومی بلائنڈ کرکٹ ٹیم کا اعلان فروری کے پہلے ہفتے میں کیا جائے گا۔ پاکستان بلائنڈ کرکٹ کونسل کے چیئرمین سیّد سلطان شاہ نے منگل کو ’’اے پی پی ‘‘ کو بتایا کہ سری لنکا کے خلاف قومی ٹیم کے انتخاب کیلئے تین روزہ ٹرائلز لاہور میں ہوئے ٹرائلز میں 28 کھلاڑیوں نے شرکت کی۔