دفاعی چیمپئن اسلام آباد یونانیٹڈ کی نئی کٹ تیار

لاہور (خبر ایجنسی)پاکستان سپر لیگ کے چوتھے ایڈیشن کیلئے دفاعی چیمپیئن اسلام آباد یونائیٹڈ نینئی کٹ متعارف کرا دی۔سماجی رابطوں کی ویب سائٹ ٹوئٹر پراسلام آباد یونائیٹڈنے نئی کٹ کے حوالے سے تفصیلات بتائیں۔نئی جرسی میں سرخ رنگ نمایاں ہے، فرنٹ اور بیک پر فائر ریڈ جبکہ کندھوں کا کلر فلیم ریڈ ہے۔ جرسی کی سائیڈز پر گولڈن رنگ ہے جبکہ سینے پرٹیم لوگو کے اوپر دو اسٹارز یہ باور کراتے ہیں کہ ٹیم دو بار ٹائٹل جیت چکی ہے۔دفاعی چیمپیئنز کی کٹ ٹوئٹر پر آتے ہی چھا گئی۔ آل راؤنڈر شاداب خان نے لکھا کہ کٹ تیار ہے، امید ہے پاکستان بھی ایونٹ کے لئے تیار ہوگا۔فاسٹ بالر رومان رئیس نے بھی ٹوئٹر پرنئی کٹ کی ویڈیو شیئر کی۔اسلام آبادیونائیٹڈ کی جانب سے کھیلنے والے جنوبی افریقی کرکٹر وین پارنل نیلکھا ’’کٹ پہننے کا انتظار رہے گا‘‘۔