پہلے ون ڈے میں پاک ویسٹ انڈین ویمنز ٹیم آج مدمقابل

دبئی (امت نیوز) پاکستان اور ویسٹ انڈیزکی ویمن کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا پہلا میچ (آج) دبئی میں کھیلا جائیگا۔ اس سے قبل دونوں ٹیموں کے درمیان پاکستان میں کھیلی گئی تین ٹی ٹونٹی میچوں کی سیریز میں ویسٹ انڈیز ویمن ٹیم نے پاکستان کو 2-1 سے شکست دی تھی۔ واضح رہے کہ دونوں ٹیموں کے درمیان تین ون ڈے میچوں کی سیریز کا دوسرا میچ 9 فروری کو دبئی میں کھیلا جائیگا جبکہ تین میچوں کی سیریز کا تیسرا اور آخری میچ 11 فروری کو اسی مقام پر ہی کھیلا جائیگا۔
٭٭٭٭٭