لاہور(اسپورٹس ڈیسک) وکٹ کیپر بلے باز سرفراز احمد کو پاکستان کرکٹ ٹیم کا ورلڈ کپ تک کپتان برقرار رکھے جانے کے بعد انہیں سابق و موجودہ کرکٹرز اور شائقین کی طرف سے سوشل میڈیا پر مبارکبادیں موصول ہورہی ہیں ۔سابق ٹیسٹ کرکٹر صادق محمد نے مبارکباد دیتے ہوئے کہا کہ پی سی بی نے سرفراز احمد کو کپتان مقرر کرکے ٹیم میں غیر یقینی کی کیفیت ختم کردی ہے اور سرفراز احمد کو اسوقت تک ٹیم کا کپتان برقرار رکھا جانا چاہئے جب تک ٹیم کو نیا باصلاحیت کپتان نہیں مل جاتا ۔سرفراز احمد کی چار میچز پر پابندی کے باعث ان کی جگہ عارضی طور پر کپتانی کرنے والے آل رائونڈر شعیب ملک نے بھی سرفراز احمد کو مبارکبا د دیتے ہوئے اس امید کا اظہار کیا ہے کہ ان کی قیادت میں ٹیم انگلینڈ میں ہونے والا ورلڈ کپ جیتنے میں کامیاب ہوگی اور سرفراز احمد نے بھی شعیب ملک کا شکریہ ادا کیا۔ قومی ٹیم کے سابق کپتان محمد حفیظ بھی سرفراز احمد کو مبارکباد د ی۔
٭٭٭٭٭