لاہور(اسپورٹس رپورٹر )پاکستان کرکٹ بورڈ کی گورننگ کونسل کا اجلاس آج 7فروری (جمعرات کو) قذافی سٹیڈیم لاہور میں منعقد ہوگا، جس کی صدارت پی سی بی کے چیئرمین احسان مانی کریں گے جبکہ اجلاس میں ایم ڈی کا عہدہ سنبھالنے والے وسیم خان بھی موجود ہوں گے ۔ اس موقع پرگورننگ بورڈ کے ممبران ،چیئرمین پی سی بی اور ایم ڈی کو ڈومیسٹک کرکٹ ڈھانچہ،پی ایس ایل فور سمیت دیگر اہم معاملات کے بارے میں بریفنگ دی جائیگی۔پی سی بی نے ڈومیسٹک کرکٹ کے ڈھانچہ کے بارے میں لیفٹیننٹ جنرل (ر) مزمل حسین کی سربراہی میںایک ٹاسک فورس تشکیل دی تھی ۔ٹاسک فورس اپنی سفارشات کے بارے میں بھی اجلاس کوآگاہ کرے گی ۔