کراچی (امت نیوز)پاکستان سپر لیگ (پی ایس ایل)سیزن فور کیلئے کراچی کے نیشنل اسٹیڈیم میں تیاریاں عروج پر ہیں اور سیکیورٹی نظام کو مضبوط بنانے کیلئے کیمروں کی تنصیب جاری ہے۔تفصیلات کے مطابق کراچی نیشنل اسٹیڈیم کے باہر اور اندر ہائی ریزولیشن کیمروں کی تنصیب کا عمل شروع کر دیا گیا ہے ،جس کے ذریعےا سٹیڈیم میں بیٹھے ہر شخص کی نگرانی کی جا سکے گی جبکہ باہر سے گزرنے والی ایک ایک گاڑی پر نظر رکھی جا سکے گی۔اسٹیڈیم میں 90 سے زائد ہائی ریزولیشن کیمرے لگائے جارہے ہیں جو کہ رات کی تاریکی میں بھی ریکارڈنگ کی صلاحیت رکھتے ہیں جبکہ ان کیلئےا سٹیڈیم میں کمانڈ اینڈ کنٹرول روم بھی قائم کیا جارہاہے ،جس کی نگرانی سیکیورٹی اداروں کے پاس ہو گی۔دوسری جانب نیشنل اسٹیڈیم کی چھتیں بھی مکمل ہونے کے قریب ہیں، جن پر امپورٹڈ کپڑا لگایا جا رہا ہے۔
٭٭٭٭٭