راجر فیڈرر میڈرڈ اوپن ٹینس ٹورنامنٹ کھیلیں گے

میڈرڈ(اسپورٹس ڈیسک) شہرہ آفاق سوئس سٹار اور 20 مرتبہ کے گرینڈ سلام چیمپئن راجر فیڈرر رواں برس مئی میں شیڈول میڈرڈ اوپن ٹینس ٹورنامنٹ میں ایکشن میں دکھائی دیں گے۔ یہ ان کا گزشتہ تین برسوں بعد پہلا کلے کورٹ ٹورنامنٹ ہو گا۔ انہوں نے 2016ء میں اٹالین اوپن کے بعد کسی کلے کورٹ ٹورنامنٹ میں حصہ نہیں لیا جبکہ انہوں نے آخری مرتبہ 2015ء میں فرنچ اوپن میں شرکت کی تھی۔
٭٭٭٭٭