کراچی میں باکسرز کیلئے مقابلہ کا رنگ تیار

کراچی (رفیق بلوچ) سندھ باکسنگ ایسوسی ایشن کے تعاون اور کراچی ساؤتھ باکسنگ ایسوسی ایشن کے زیراہتمام ساؤتھ کپ کراچی باکسنگ چیمپئن شپ (آج) بدھ سے کراچی میں شروع ہو گی۔سندھ باکسنگ ایسوسی ایشن کے جنرل سیکرٹری اصغر بلوچ نے بتایاکہ کراچی کے باکسرز حصہ لیں گے۔ چیمپئن شپ میں جونیئر کلاس انڈر۔16 اور یوتھ کلاس انڈر۔18 کے مقابلے رکھے گئے ہیں۔جونیئر کلاس انڈر۔16 میں8ایونٹس جن میں44، 46، 48، 50، 52، 54، 57 اور60 کلوگرام جبکہ یوتھ کلاس انڈر۔18 میں10 ایونٹس جن میں49، 52، 56، 60، 64، 69، 75، 81، 91 اور 91 پلس کلوگرام کے مقابلے شامل ہیں۔ ٹورنامنٹ میں شرکت کرنے والی ٹیموں کے وزن کئے جائیں گے۔ اور ڈراز کا اعلان بھی کیا جائے گا۔ چیمپئن شپ کے فائنل مقابلے 28 فروری کو کھیلے جائیں گے اور چیمپئن شپ کے اختتام پر کامیابی حاصل کرنے والی ٹیموں کے کھلاڑیوں میں انعامات تقسیم کئے جائیں گے۔ یہ چیمپئن شپ کراچی میں کھیلی جائے گی۔
٭٭٭٭٭