سینٹ جارج (امت نیوز) جارح مزاج ویسٹ انڈین بلے باز کرس گیل نے ون ڈے انٹرنیشنل کرکٹ میں کیریئر کے 10 ہزار رنز مکمل کر لئے۔ کرس گیل نے یہ اعزاز انگلینڈ کے خلاف چوتھے ایک روزہ میچ میں حاصل کیا، کرس گیل یہ اعزاز حاصل کرنے والے دوسرے ویسٹ انڈین بلے باز بن گئے ہیں۔ اس کے ساتھ ساتھ انہوں نے ون ڈے میچوں میں چھکوں کی ٹرپل سنچری بھی مکمل کی۔ گیل نے اب تک 288 ایک روزہ میچ میں38.01 کی اوسط سے 10019 رنز بنا رکھے ہیں جس میں ان کی 25 شاندار سنچریاں بھی شامل ہیں۔ ویسٹ انڈیز کی جانب سے ایک روزہ کرکٹ میں زیادہ رنز بنانے کا اعزاز برائن لارا کو حاصل ہے جنہوں نے 10405 رنز بنا رکھے ہیں۔ کرس گیل نے ایک روزہ بین الاقوامی میچوں میں زیادہ چھکوں کی ٹرپل سنچری بھی مکمل کرلی وہ 288 ون ڈے میچوں میں 305 چھکوں کے ساتھ دوسرے نمبر پر ہیں۔
٭٭٭٭٭