رافیل نڈال کو اپ سیٹ شکست کا سامنا

میکسیکو سٹی ۔ 28 فروری (اے پی پی) آسٹریلیا کے نک کرگیوس، جرمنی کے الیگزرینڈر زاویرو، امریکا کے جان اسنر اور سوئس سٹار سٹین وارینکا میکسیکن اوپن ٹینس ٹورنامنٹ مینز سنگلز کوارٹر فائنل میں پہنچ گئے جبکہ سپین کے بین الاقوامی شہرت یافتہ ٹینس سٹار اور کلے کورٹ کے بادشاہ رافیل نڈال ٹورنامنٹ مینز سنگلز پری کوارٹر فائنل میں اپ سیٹ شکست کے بعد ایونٹ سے باہر ہوگئے ۔ میکسیکو میں جاری ایونٹ میں جمعرات کھیلے گئے مینز سنگلز پری کوارٹر فائنل میچ میں آسٹریلیا کے نک کرگیوس نے سخت مقابلے کے بعد سپین کے رافیل نڈال کو اپ سیٹ شکست دیکر ایونٹ سے باہر کر دیا۔ انکی فتح کا سکور 3-6،7-6، (7-2) اور 7-6(8-6) تھا۔
٭٭٭٭٭