اسلام آباد (اسپورٹس ڈیسک)پاکستان کرکٹ بورڈ نے پاک بھارت کشیدہ صورتحال پر تمام تر توجہ مرکوز کرتے ہوئے کہا ہے کہ پی ایس ایل کے حوالے سے آئندہ 24 گھنٹے اہمیت اختیار کرگئے ہیں، پی سی بی کشیدہ صوترحال پر مکمل نظر رکھے ہوئے ہے،پاکستان میں پی ایس ایل کے میچز کے حوالے سے کوئی بھی فیصلہ سیکیورٹی ایجنسیز کی مشاورت سے کیا جائیگا۔ میڈیا رپورٹ کے مطابق پاکستان کرکٹ بورڈ نے پاک بھارت کشیدہ صورتحال پر اپنی تمام تر توجہ مرکوز کرتے ہوئے کہا ہے کہ پی ایس ایل کے حوالے سے آئندہ 24گھنٹے اہمیت اختیار کر گئے ہیں،پاکستان کرکٹ بورڈ کشیدہ صورتحال پر مکمل نظر رکھے ہوئے ہے ۔پی سی بی حکام نے کہا ہے کہ پی ایس ایل 4کامیابی سے جاری ہے اور پی ایس ایل 4 کے لاہور اور کراچی میں فائنل سمیت 8میچز منعقد ہونے ہیں۔پی سی بی حکام نے کہا ہے کہ تمام صورتحال سے کرکٹرز کو آگاہ کر دیا گیا ہے،پاکستان میں پی ایس ایل کے میچز کے حوالے سے کوئی بھی فیصلہ سیکیورٹی ایجنسیز کی مشاورت سے کیا جائیگا۔
٭٭٭٭٭