اسلام آباد(اسپورٹس ڈیسک)سپین کے مشہور فٹ بال کلب ریال میڈرڈ اور انگلش کلب چیلسی کے سابق فرانسیسی سٹار کھلاڑی نائیکولس اسلام آباد پہنچ گئے۔ نائیکولس گزشتہ منگل کی صبح اسلام آباد ائیرپورٹ پہنچے جہاں انہیں پاکستان فٹبال فیڈریشن (پی ایف ایف) کی جانب سے خوش آمدید کہا گیا۔نائیکولس انیلکا کو پی ایف ایف کی جانب سے مدعو کیا گیا ہے تاکہ پاکستان میں فٹبال کو فروغ دیا جاسکے۔اس دوران نائیکولس انیلکا پاکستان فٹ بال فیڈریشن کے نئے صدر سید اشفاق شاہ سے ملاقات کریں گے اور پاکستان میں فٹ بال کھیل کی بہتری اور ترقی کے لیے 20 نکاتی ایجنڈے پر غور کریں گے۔نائیکولس انیلکا فٹبال مداحوں سے ’’سینٹورس‘‘ مال میں ملاقات بھی کریں گے اور فٹ بال کے لیے ان کی حوصلہ افزائی کریں گے۔نائیکولس انیلکا کا پاکستان کا دورہ ٹچ اسکائی گروپ کے تحت ہونے والے ورلڈ سوکر سٹار 2019′ کا حصہ ہے جس کے تحت لاہور اور کراچی میں نمائشی میچز بھی ہوں گے۔
٭٭٭٭٭