کراچی والو پاکستان کرکٹ کیلئے نیشنل اسٹیڈیم بھر دو، سرفراز احمد

دبئی(آن لائن)قومی کرکٹ ٹیم کے کپتان سرفراز احمد نے شہرقائد کے باسیوں سے اسٹیڈیم بھرنے کی خواہش کا اظہار کیا ہے۔پاکستان ٹیسٹ، ون ڈے اور ٹی 20 ٹیم کے کپتان وکٹ کیپر سرفراز احمد نے ایک انٹرویو میں کہاکہپی ایس ایل کے میچ کراچی میں منعقد ہونا اچھی خبر ہے لہذا وہ کراچی کے لوگوں سے درخواست کرتے ہیں کہ پاکستان کرکٹ کی حمایت میں آگے آئیں اور نیشنل اسٹیڈیم کو اپنی آمد سے بھر دیں۔انہوں نے کہا کہ پاکستانی دنیا کو پیغام دیں کہ پاکستان کرکٹ کی میزبانی کیلئے بہترین ملک ہے اور یہاں بین الاقوامی مقابلے منعقد ہونے چاہئیں۔سرفراز احمد کے مطابق کراچی میں میچ ہوں تو گھر والوں کا بڑا دبا ہوتا ہے کہ انھیں میچ دیکھنا ہے اور کسی حد تک ایسا غلط بھی نہیں، ہمارے گھر والے ہمارا میچ نہیں دیکھیں گے تو کس کا میچ دیکھیں گی انہوں نے کہا کہ گھر والوں کی وجہ سے 2 ہزار والے 15 ٹکٹ خریدے ہیں۔سرفراز احمد کے مطابق گزشتہ سال ویسٹ انڈیز نے تین ٹی 20کراچی میں کھیلے تو انہوں نے ٹیم مینجر طلعت علی ملک سے خاص درخواست کی کہ مجھے زیادہ ٹکٹ دیں کیوں کہ خاندان میں ہر کوئی میچ دیکھنا چاہتا ہے۔
٭٭٭٭٭