سینچورین(امت نیوز) جنوبی افریقن ٹیم کے کپتان فاف ڈوپلیسی کو ون ڈے انٹرنیشنل کرکٹ میں کیریئر کے 5 ہزار رنز مکمل کرنے کیلئے مزید 40 رنز درکار ہیں، اس بات کے قوی امکانات ہیں کہ وہ (آج) بدھ کو سری لنکا کے خلاف دوسرے ایک روزہ میچ میں کیریئر کے 5 ہزار رنز کا ہندسہ عبور کر لیں گے، اگر ڈوپلیسی کامیاب ہوئے تو وہ یہ اعزاز حاصل کرنے والے 10ویں جنوبی افریقن بلے باز بن جائیں گے، ڈوپلیسی نے 130 میچز میں 4960 رنز بنا رکھے ہیں جس میں ان کی 11 شاندار سنچریاں بھی شامل ہیں، جنوبی افریقہ کی طرف سے ایک روزہ کرکٹ میں زیادہ رنز بنانے کا اعزاز جیک کیلس کو حاصل ہے جنہوں نے 11550 رنز بنا رکھے ہیں۔
٭٭٭٭٭