فیصل آباد۔مسافر بس کو ٹرالر نے ٹکر ماردی، 4 مسافر جاں بحق

فیصل آباد میں ساہیاں والہ انٹر چینج کے قریب ملتان سے راولپنڈی جانے والی بس کو ٹریلر نے ٹکر مار دی ہے۔ حادثے کے نتیجے میں 4 افراد جاں بحق جبکہ 11 زخمی ہو گئے ہیں۔واقعے کے اطلاع ملنے پر ریسکیو ٹیموں نے جائے حادثہ پر پہنچ کر امدادی کاموں کا آغاز کیا ،ریسکیو حکام نے 7 زخمیوں میں سے 3 کو انتہائی تشویشناک حالت میں الائیڈ اسپتال اور ایک زخمی کو فیصل آباد انسٹی ٹیوٹ آف کارڈیالوجی منتقل کردیا گیا، جبکہ 3 زخمیوں کو موقع پر ہی ابتدائی طبی امداد دے دی گئی۔دوسری جانب پولیس نے مرنے والوں کی لاشیں تحویل میں لے کر قانونی کارروائی کا آغاز کردیا۔