فنانس بل میں سگریٹ اور سیمنٹ پر فیڈرل ایکسائز ڈیوٹی میں اضافہ

اسلام آباد: وفاقی حکومت نے نئےمالی سال کے فنانس بل میں سگریٹ اور سیمنٹ پر فیڈرل ایکسائز ڈیوٹی میں اضافہ کردیاہے، فنانس بل میں ٹئیرٹو سگریٹ پر فیڈرل ایکسائز ڈیوٹی 106 روپے بڑھا کر1776 روپے کردی گئی،فنانس بل میں ٹیئر ون سگریٹ پر فیڈرل ایکسائز ڈیوٹی 230 روپے بڑھا دی گئی جب کہ ٹئیر تھری سگریٹ پر فیڈرل ایکسائز ڈیوٹی 54 روپے بڑھا کر 854 روپےکر دی گئی ہے۔نئے مالی سال میں سیمنٹ پر فیڈرل ایکسائز ڈیوٹی بھی بڑھا دی گئی ہے جس کے تحت ڈیوٹی 1.25 روپے سے بڑھا کر1.50 روپے کردی گئی ہے۔فنانس بل پردستخط کے اگلے روزسے ہی فنانس ایکٹ پر عمل درآمد شروع ہو جائے گا۔