آرمی چیف کی شہزادہ شیخ محمد بن زید النہیان سے ملاقات

ابوظہبی:چیف آ ف آرمی اسٹاف جنرل قمر جاوید باجوہ متحدہ عرب امارات پہنچ گئے ،آرمی چیف نے ابو ظہبی میں ولی عہد شہزادہ شیخ محمد بن زید النہیان سے ملاقات کی۔پاک فوج کے شعبہ تعلقات عامہ (آئی ایس پی آر )کی جانب سے جاری بیان میں کہا گیا ہے کہ آرمی چیف جنرل قمر جاوید باجوہ نے متحدہ عرب امارات میں شہزادہ شیخ محمد بن زید النہیان سے ملاقات کی جس میں باہمی دلچسپی کے امور ،علاقائی سیکیورٹی صورتحال اور دفاعی امور پر بات چیت ہوئی ہے ۔