ملک کو آگے بڑھانا ہے تو اس کا واحد راستہ جمہوریت ہے۔حمزہ شہباز

لاہور میں میڈیا سے گفتگو کرتے ہوئے حمزہ شہباز کا کہنا تھا کہ حقیقت پسندی کا سامنا کرنا چاہیے اور ملک کو آگے بڑھانا ہے تو اس کا واحد راستہ جمہوریت ہے، گزشتہ حکومت نے مدت پوری کی یہ بھی کرے گی ۔
انہوں نے کہا کہ عمران خان بتائیں کے پی میں نیا پاکستان کہاں ہے؟ 100 دن کا پروگرام دینے والے بتائیں کہاں ہے بلین ٹری؟
انہوں نے کہا کہ پشاور میں دھول اٹھ رہی ہے اور اسپتالوں میں اسٹریچر ٹوٹے ہوئے ہیں جب کہ اس کے برعکس پنجاب کے تمام اسپتالوں میں بہت اچھا کام ہوا ہے۔
حمزہ شہبازکا کہنا تھا کہ جہانگیر ترین اور قبضہ مافیا کے لوگ عمران خان کے ساتھ ہیں اور قوم دیکھ رہی ہے کہ عمران خان نے خیبرپختون خوا میں کیا کیا ہے۔ انہوں نے کہا کہ عمران خان کے پی کے عوام سے معافی مانگیں۔