پاکستان افغانستان کی ترقی کیلئے کردار اداکرنے کو تیارہے۔سرتاج عزیز

اسلام آباد: منصوبہ بندی کمیشن کے ڈپٹی چیئرمین سرتاج عزیز سے افغانستان سے آئے ہوئے ایک اعلیٰ سطحی وفد کی ملاقات،
اس موقع پر سرتاج عزیز نے کہاکہ افغان عوام کی ترقی کی تیزی سے تکمیل وقت کا اہم تقاضا ہےاورپاکستان اپنے پڑوسی ملک افغانستان کی ترقی کے لیے کردار ادا کرنے کو تیار ہے۔
ملاقات کے لیے آنے والے وفد کی قیادت افغان صدر اشرف غنی کے مشیر انفرا اسٹرکچر و ٹیکنالوجی نے کی۔قبل ازیں افغانستان کے وفد نے مشیر قومی سلامتی ناصر جنجوعہ سے بھی ملاقات کی،
ملاقات کے دوران دوطرفہ امور، سیکورٹی صورت حال اور بارڈر مینجمنٹ پر تبادلہ خیال کیا گیا، ملاقات میں پاکستان میں تعینات افغان سفیرعمر زخیلوال بھی موجود تھے۔
افغان وفد میں مشیر سلامتی امور، افغان خفیہ ایجنسی این ڈی ایس کے چیف، افغان فوج کے سربراہ اور وزیرداخلہ بھی شامل تھےجبکہ حنیف اتمر آرمی چیف جنرل قمر جاوید باجوہ سے بھی ملاقات کریں گے۔