آئندہ انتخابات میں عمران خان کو سیاسی طور پر دفن کردیں گے،وزیراعلیٰ پنجاب

بہاولپور میں وکٹوریہ اسپتال کے 150 بستروں پر مشتمل کارڈک سینٹر کی افتتاحی تقریب سے خطاب کے دوران وزیراعلیٰ پنجاب شہباز شریف نے کہا کہ عمران خان نے کے پی کے صوبے کا بیڑہ غرق کردیا، عمران خان پنجاب آئیں اور دیکھیں کہ ترقی کیسے ہوتی ہے۔
انہوں نے کہا کہ 2018 کے انتخابات میں عمران خان کو سیاسی طور پر دفن کردیں گے۔
شہباز شریف نےمزید کہا کہ کل پنجاب حکومت کی آئینی مدت پوری ہو جائے گی، ہم سے بہاولپور کی جو خدمت ہوسکی وہ کی ہے، 5 برسوں میں بہاولپور کے لیے اربوں روپے کے منصوبے مکمل کیے، بہاولپور میں بنائے گئے ادارے یورپ کی طرز کے ہیں، یہاں دنیا کی بہترین ڈرگ ٹیسٹ لیباریٹری بنائی گئی ہے،پہلی بار چھوٹے کسانوں کو بلاسود قرضے دیے۔