مسافر کے بدن کی بدبو نے طیارے کا رخ بدلنے پر مجبور کردیا

ایمسٹر ڈیم:ایک بین الاقوامی پرواز کے دوران ایک تعفن زدہ مسافرطیارے میں سوار تمام مسافروں کا جینا مشکل کردیا۔
مسافر کے بدن کی بدبو بند طیارے میں پھیلنے لگی جو ایک مقام پر ناقابلِ برداشت ہوگئی اور کئی مسافر غنودگی میں چلے گئے اور بعض نے قے تک کردی جس کی وجہ سےاس کا رخ بدل کر اسے فوری طور پر پرتگال کے شہر فارو میں اتارا گیا۔
اس دوران جہاز کے عملے نے زبردستی مسافر کو طیارے کے بیت الخلا میں رکھنے کی کوشش کی گئی لیکن وہ ناکام رہی۔ یہ طیارہ ہالینڈ کے شائپول ہوائی اڈے سے گران کینیریا جارہا تھا۔