عیدالفطر پرپاکستان ریلویز کا 5 اسپیشل ٹرینیں چلانے کا فیصلہ

لاہور:عیدالفطر کے موقع پر اپنے گھروالوں سے دور رہنے والوں اور محنت مزدوری کرنے کیلئے گھروں سے شہروں میں رہنے والوں کیلئے پاکستان ریلویز نے 5 اسپیشل ٹرینیں چلانے کا اعلان کیاہے، 5 اسپیشل ٹرینیں کوئٹہ سمیت ملک بھر میں چلائی جائیں گے ۔
جبکہ پہلی عید اسپیشل ٹرین 12جون کو کراچی سٹی سے دن 11 بجے روانہ ہو گی جو اگلے روز رات 10 بج کر 30 منٹ پر پشاور کینٹ پہنچے گی۔
دوسری ٹرین کوئٹہ سے 12 جون کو دن 11 بج کر 30 منٹ پر روانہ ہوگی ،
تیسری ٹرین 13 جون صبح 11 بجے کراچی کینٹ سے روانہ ہو کر اگلے روز براستہ فیصل آباد صبح 10 بجے لاہور پہنچے گی۔
جبکہ چوتھی ٹرین 14 جون کو راولپنڈی سے صبح 7 بجے روانہ ہو کر براستہ بھکر اسی روز رات 10 بج کر 30 منٹ پر ملتان پہنچے گی۔
پانچویں عید اسپیشل ٹرین 19 جون کو ملتان کینٹ سے صبح 7 بجے روانہ ہو کر براستہ میانوالی اسی روز راولپنڈی رات 10بج کر 15منٹ پر پہنچے گی۔