پاکستان میں بننے والی فٹبال خلامیں پہنچ گئی

اسلام آباد:پاکستان کی بنائی ہوئی فٹ بال خلا میں پہنچ گئی۔روسی اسٹیٹ اسپیس ایجنسی روس کوسموس کی جانب سے جاری کی گئی ایک ویڈیو سوشل میڈیا پر گردش کر رہی ہے، جس میں 2 روسی خلاباز اینٹون شکاپلیروو اور اولیگ آرٹیم ییو فٹبال کھیلتے ہوئے نظر آرہے ہیں۔

اس خلائی کھیل میں جو فٹبال استعمال کی گئی، وہ پاکستان میں بنائی گئی تھی۔خلائی اسٹیشن میں یہ فٹبال ٹریننگ سیشن فیفا ورلڈ کپ 2018 کے اعزاز میں منعقد کیا گیا تھا، جو 14 جون سے روس میں شروع ہو رہا ہے اور اس میں استعمال ہونے والی فٹبال ایڈیڈاس ٹیلی اسٹار 18 پاکستان کے شہر سیالکوٹ میں تیار کی گئی ہیں۔