بل گیٹس کا آرمی چیف جنرل قمر جاوید باجوہ سے ٹیلیفونک رابطہ

راولپنڈی :دنیا کی امیر ترین شخصیت اور مائیکر و سافٹ کے بانی بل گیٹس نے آرمی چیف جنرل قمر جاوید باجوہ سے ٹیلیفونک رابطہ کیا ہے۔آئی ایس پی آر کے مطابق بل گیٹس نے کامیاب انسداد پولیو مہم پر پاک فوج کی شاندار کارکردگی کو بے حد سراہا ۔

ڈی جی آئی ایس پی آر میجر جنرل آصف غفور کی جانب سے جاری کر دہ پیغام میں کہا گیاہے کہ ٹیلیفونک رابطے کے دوران آرمی چیف نے بل گیٹس کو یقین دہانی کرواتے ہوئے کہا کہ وہ پاکستان کے بہترین مفاد میں مسلسل تعاون جاری رکھیں گے اور پولیو کے انسداد کے نیک کام سے متعلق بل گیٹس کی کوششوں کو سراہا ۔