صدر ممنون حسین اور چینی صدر شی جن پنگ کی ملاقات

بیجنگ : صدر مملکت ممنون حسین اور چین کے صدر شی جن پنگ کے درمیان ملاقات ، ملاقات میں دوطرفہ تعلقات سے متعلق امور پر تبادلہ خیال کیا گیا جبکہ علاقائی سلامتی کی صورتحال اور عالمی امور پر بھی تبادلہ خیال کیا گیا۔
اس موقع پر صدر مملکت نے کہا کہ چائنا پاکستان اقتصادی راہداری (سی پیک) ایک سڑک ایک خطہ منصوبے کا اہم حصہ ہے۔
ممنون حسین نے چین میں شنگھائی تعاون تنظیم کے کامیاب انعقاد پر بھی اپنے چینی ہم منصب کو مبارکبادی۔ صدر ممنون حسین نے کمیونسٹ پارٹی آف چائنا کا دوسری بار سیکریٹری جنرل منتخب ہونے پر شی جن پنگ کو مبارکباد دی۔
اس موقع پر چین کے صدر شی جنگ پنگ نے شنگھائی تعاون تنظیم میں پاکستان کی رکن کی حثیت سے نمائندگی کا خیر مقدم کیا جبکہ انہوں نے دہشتگردی کے خاتمے میں پاکستان کے کردار کو بھی سراہا۔