آصف زرداری اورعمران خان کلثوم نواز کی صحتیایی کیلئے دعاگو

پپیلزپارٹی کے شریک چیئرمین اور سابق صدرآصف زرداری نے بیگم کلثوم نواز کی صحتیابی کے لئے دعا کرتے ہوئے کہا کہ بھٹوخاندان اور پی پی بیگم کلثوم نوازکی صحتیابی کے لئے دعاگو ہے۔

آصف زرداری کا کہنا تھا کہ اللہ بیگم کلثوم نوازکوصحت اورلمبی عمرعطا فرمائے۔
دوسری جانب تحریک انصاف کے چیئرمین عمران خان نے سابق وزیراعظم نواز شریف کی اہلیہ بیگم کلثوم نواز کی صحت یابی کی دعا کی ہے۔
سماجی رابطے کی ویب سائٹ پر اپنے پیغام میں عمران خان نے لکھا، ہماری دعائیں بیگم کلثوم نواز کے ساتھ ہیں، اللہ انہیں شفائے کاملہ عطا فرمائے۔

واضح رہے کہ گزشتہ رات کلثوم نواز کی طبیعت بگڑ جانے پر اسپتال کے ایمرجنسی یونٹ منتقل کیا گیا تھا، جہاں سے پھر انہیں آئی سی یو میں شفٹ کردیا۔
سابق وزیراعظم نواز شریف کی اہلیہ بیگم کلثوم نواز کینسر کے عارضے میں مبتلا ہیںاور علاج کی غرض سے وہ گزشتہ کئی ماہ سے لندن میں موجود ہیں جہاں ان کی کئی کیمو تھراپیز ہو چکی ہیں۔