ڈیرہ غازی خان ۔ سوشل ورکر آسیہ اکبر کوقتل کر دیا گیا

سوشل میڈیا پر خواتین کے حقوق کے لے آواز اٹھانے والی آسیہ اکبر کو ڈیرہ غازی خان کے علاقے بستی فوجہ میں قتل کردیاگیا، پولیس کا کہنا ہے کہ ملزم آسیہ اکبر کی چھوٹی بہن کا سسر ہے جو واردات کے بعد فرار ہوگیا۔
پولیس کے مطابق ابتدائی تفتیش میں معلوم ہوا ہے کہ کچھ عرصہ قبل مقتولہ آسیہ کی چھوٹی بہن اقصیٰ شادی کے بعد خان پور چلی گئی تھی،شادی کو صرف 15 دن ہی گزرے تھے کہ مقتولہ آسیہ اکبر، بہن کو سسرال سے ڈیرہ غازی خان واپس لےآئی۔
پولیس کے مطابق اقصیٰ کے سسر کو شک تھا کہ آسیہ اس کی بہو کو گھر والوں کے خلاف گمراہ کر رہی ہے جس پر اس نے آسیہ اکبر کو فائرنگ کرکے قتل کیا اور فرار ہوگیا۔
پولیس کے مطابق آسیہ کے قتل کے بعد سے اقصیٰ لاپتہ ہے، ملزم کی گرفتاری کےلیے چھاپے مارے جارہے ہیں۔