جاپانی شائقین نےٹیم کی جیت پرپورےاسٹیڈیم کی صفائی کردی

فیفا ورلڈ کپ 2018 میں میکسیکو کے پہلے میچ میں کھلاڑی ہرونگ لوزانو نے جب جرمنی کے خلاف گول کیا تو میکسیکو کی عوام کی خوشی کی کوئی انتہا نہ رہی۔

میچ کے پہلے ہاف کے 35 ویں منٹ میں لوزانو نے جرمنی کے خلاف گولی کیا تو ٹیم کے مداحوں نے چھلانگیں مارنا شروع کردیں ۔

مگر یہ کیا کہ میکسیکو کے عوام کے اس جشن سے میکسیکو میں زلزلہ آگیا کیونکہ میکسیکو کے انسٹیٹیوٹ آف جیولوجیکل اینڈ ایٹ موسفیئر انویسٹیگیشن کی جانب سے ایک ٹوئٹ میں ایسا ہی کہا گیا ہے۔

انسٹیٹیوٹ کی جانب سے کی جانے والی ٹوئٹ میں کہا گیا ہے روس میں جاری ورلڈ کپ میں جرمنی کے خلاف میکسیکو کے گول پر جو میکسیکو میں جشن منایا گیا اس سے میکسیکو سٹی میں مصنوعی زلزلہ آیا۔

انسٹیٹیوٹ نے تصدیق کی ہے میکسیکو سٹی میں دو سیسمومیٹرز نے زلزلہ عین اس وقت ریکارڈ کیا جب شائقین لوزانو کے گول پر جشن منا رہے تھے۔

ٹوئٹ میں کہا گیا ہے کہ میچ کے دوران میکسیکو کی ٹیم نے پہلے ہاف کے 35 منٹ اورسات سیکنڈ پرگول کیا اور میکسیکو سٹی میں لگے ہمارے زلزلے کے دو نظام نے زلزلہ ریکارڈ کیا ۔ عین ممکن ہے کہ یہ عوام کے جشن کے باعث آیا ہو۔