سراج الحق کے اثاثوں کی تفصیلات سامنے آگئیں

امیر جماعت اسلامی سراج الحق کے اثاثوں کی تفصیلات سامنے آگئیں۔ سراج الحق 29 لاکھ کے اثاثوں کے مالک ہیں۔
تفصیلات کے مطابق کاغذات نامزدگی جمع کروانے کے بعد امیر جماعت اسلامی سراج الحق کے اثاثوں کی تفصیلات سامنے آگئیں۔
کاغذات کے مطابق سراج الحق ساڑھے 4 تولے زیور کے مالک جبکہ 12 کنال اراضی میں حصے دار ہیں۔ سراج الحق ایک نجی اسکول میں بھی شراکت دار ہیں۔
سراج الحق کے 3 بینک اکاؤنٹس میں 18 لاکھ سے زائد رقم موجود ہے۔ ان کے پاس ذاتی گاڑی اور بیرون ملک میں کسی قسم کے کوئی اثاثے موجود نہیں۔
کاغذات نامزدگی کے مطابق سراج الحق کسی بینک کے ڈیفالٹر بھی نہیں ہیں۔