پانی کی قلت اور بحران پر شاہد آفریدی کا بیان سامنے آگیا

کراچی میں پانی کی قلت اور بڑھتے بحران پر قومی ٹیم کے سابق کپتان شاہد آفریدی کا بھی بیان سامنے آگیا۔
اسٹار کرکٹر شاہد آفریدی نے بھی پانی کے بحران پر آواز اٹھائی اور سماجی رابطے کی ویب سائٹ ٹوئٹر پر اپنا بیان میں کہا کہ پاکستان کو بنے 70برس ہوگئے مگر کراچی شہر جو پاکستان کی شہ رگ کی حیثیت رکھتا ہے اس کےمسائل آج تک حل نہیں کئےجاسکے۔
انہوں نے کہا کہ سمندر کے کنارے ہونے کے باوجود اس شہر کے مکین پانی کی بوند بوند کو ترس رہے ہیں، حکومتیں آئیں اور گئیں مگر پانی کا مسئلہ ٹھیک نہیں کیا۔ سابق کپتان نے سوال کیا کہ آخر کب پانی کا مسئلہ حل ہوگا؟