الیکشن کمیشن نے انتخابات میں پاک فوج کوتعینات کرنےکی منظوری دیدی

اسلام آباد: الیکشن کمیشن نے عام انتخابات میں پاک فوج کی تعیناتی کی منظوری دے دی ہے اورسمری وزارتِ دفاع کو ارسال کردی ہے۔

اطلاعات کے مطابق عام انتخابات کو شفاف بنانے کے لئے الیکشن کمیشن نے آرٹیکل 220 اور245 کے تحت فوج کی معاونت حاصل کرنے کی منظوری دے دی ہے اور اس حوالے سے ایک سمری وزارت دفاع کو ارسال کردی گئی ہے۔

الیکشن کمیشن کی جانب سے وزارتِ دفاع کو بھیجی گئی سمری میں پاک فوج کے جوانوں کی تعداد کا ذکر نہیں کیا گیا تاہم وزارتِ دفاع سے درخواست کی گئی ہے کہ پرامن انداز میں الیکشن کے انعقاد کے لئے پاک فوج کی مناسب تعداد تعینات کی جائے۔

سمری میں درخواست کی گئی ہے کہ پولنگ اسٹیشنز پر فوول پروف سیکیورٹی کا انتظام کیا جائے اور تمام پولنگ اسٹیشنز پر23 جولائی سے 26 جولائی پاک فوج تعینات کی جائے۔ اس کے علاوہ تمام پرننٹنگ پریس پربیلٹ پیپرز کی چھپائی پاک فوج کی نگرانی میں کرائی جائے اورپرنٹنگ پریس پرکل سے 25 جولائی تک فوج تعینات کی جائے۔