نوازشریف کا نیب کارروائیوں کیخلاف سخت حکمت عملی اپنانے کا فیصلہ

لندن: مسلم لیگ نے نیب کی کارروائیوں پرسخت حکمت عملی اپنانے کا فیصلہ کرلیا ہے اورپارٹی قائد نوازشریف نے ن لیگ کے رہنماؤں کو نیب کی کارروائیوں کے خلاف احتجاج کی ہدایت کردی ہے۔

باخبر ذرائع کے مطابق (ن) لیگ کے قائد نوازشریف نے لندن سے پارٹی رہنماؤں کو فون کئے ہیں جس میں انہوں نے نیب کی کارروائیوں کے خلاف احتجاج کی ہدایت کی ہے۔

 

یاد رہے کہ نیب نے گزشتہ روزقومی اسمبلی کے حلقہ این اے 59 سے چوہدری نثار کے مد مقابل مسلم لیگ (ن) کے امیدوار قمرالاسلام کو گرفتار کیا جنہیں صاف پانی کمپنی کے اسکینڈل میں 14 روزہ جسمانی ریمانڈ پرنیب کے حوالے کیا گیا ہے۔