(ن) لیگی سینیٹر ظفر علی شاہ کا پی ٹی آئی میں شامل ہونے کا فیصلہ

سینیٹر ظفر علی شاہ مسلم لیگ ن کو خیر باد کہہ کر تحریک انصاف کے کھلاڑی بننے کو تیار ہوگئے۔ ظفر علی شاہ 5 جولائی کو باضابطہ طور پر پی ٹی آئی میں شمولیت کا اعلان کریں گے۔
ذرائع کے مطابق ظفر علی شاہ پی ٹی آئی کے رہنما اور عمران خان کے قریبی دوست زلفی بخاری کے سسر ہیں اور زلفی بخاری نے انہیں تحریک انصاف میں شمولیت پر آمادہ کرلیا ہے۔ ظفر علی شاہ 5 جولائی کو پی ٹی آئی میں شمولیت کا باضابطہ اعلان کریں گے۔
اس حوالے سے سینٹر ظفر علی شاہ کی رہائش گاہ پر باقاعدہ تقریب ہوگی جس میں پی ٹی آئی چیرمین عمران خان شرکت کریں گے۔ زلفی بخاری کے سسر ظفر علی شاہ کافی عرصے سے ن لیگ کی قیادت سے نالاں ہیں۔
عمران خان نے اسد عمر کو ہٹا کر زلفی بخاری کو اسلام آباد کی انتخابی مہم سونپ دی ہے اور ظفر علی شاہ حلقہ این 53 اسلام آباد میں عمران خان کی انتخابی مہم میں سرگرم کردار ادا کریں گے۔