نگران وزیراطلاعات علی ظفر نے کہا کہ یہ نہیں ہوسکتا کہ دونوں کو لاہورمیں پھرنے دیں۔ پنجاب حکومت اورانتظامیہ امن و امان کا مسئلہ پیدا نہیں ہونے دے گی۔

میڈیا سے گفتگو کرتے نگران وزیر اطلاعات نے کہا کہ نواز شریف اور مریم کے خلاف عدالتی فیصلہ آیا ہے تو انہیں گرفتار کیا جائے گا۔ سزا یافتہ کو گرفتارکرنا فرض ہے ۔

وزیراطلاعات نے مزید کہا کہ امن و امان کا مسئلہ پیدا نہیں ہونے دیں گے۔ نیب کو سہولت ملے گی کہ سب کچھ باعزت طریقے سے ہو۔

علی ظفر نے یہ بھی واضح کیا کہ یہ کہنا غلط ہے کہ مخصوص لوگوں کا احتساب ہو رہا ہے، نواز شریف اور مریم کو فیصلے کےخلاف اپیل کا حق حاصل ہے۔

واضح رہے کہ نوازشریف اورمریم کل شام 8 بجے لاہورایئرپورٹ پر لینڈ کریں گے۔