قومی کراٹے ٹیم کے کھلاڑی عبدا لصمدآفریدی کو قتل کردیا گیا

اطلاعات کے مطابق قومی کراٹے ٹیم کے کھلاڑی عبدالصمد آفریدی ضلع خیبر کے علاقے میں اپنی گاڑی میں جارہے تھے کہ شاہ کس کے مقام پرنامعلوم افراد نے ان کی گاڑی پر فائرنگ کردی جس کے نتیجے میں وہ شدید زخمی ہوگئے ۔ انھیں فوری طورپرپشاور کے حیات آباد میڈیکل کمپلکس منتقل کیا گیا جہاں وہ زخموں کی تاب نہ لاتے ہوئے چل بسے۔

عبدالصمد نے کئی بین الاقوامی مقابلوں میں پاکستان کی نمائندگی کی تھی۔ انھوں نے حالیہ دنوں آذربائیجان کے شہرباکو میں منعقد ہونے والی ورلڈ کیوکشن کراٹے چیمپئین شپ میں بھی پاکستان کی نمائندگی کی تھی۔