عوام امیدوار کی کارکردگی دیکھ کر ووٹ دینے کا فیصلہ کریں ،چوہدری نثار

ٹیکسلا : سابق وفاقی وزیرداخلہ چوہدری نثار نے کہا کہ عوام امیدوار کی کارکردگی دیکھ کر ووٹ دینے کا فیصلہ کریں کہ آپ کی ووٹ کی پرچی کا اصل کون حقدار ہے،انہوں نے کہاکہ عوام کیلئےمیری خدمات کسی سےڈھکی چھپی نہیں ہیں میں نے اپنے حلقے اور دیگر حلقوں میں بھی کام کرائے ہیں۔ ٹیکسلا میں انتخابی جلسے سے خطاب کرتے ہوئےسابق وزیر داخلہ چوہدری نثار علی خان کا کہناتھاکہ اپنے حلقوں میں ریکارڈ ترقیاتی کرائے ہیں اورجو حلقہ میرا نہیں تھا وہاں بھی میں نے کام کرایا ہے، انہوں نے کہاکہ اپنے حلقے میں ن لیگ کے نہیں بلکہ پاکستان کے پیسوں سے کام کرایا، لوگ 70سال سے باتوں سے ٹرخاتے رہے ہیں، مجھے کہا گیا ٹکٹ کیلئےدرخواست دے دیں، میں ٹکٹ کیلئے درخواست نہیں دیتا، کیونکہ میں تھوک کر چاٹنے والا نہیں ہوں،جبکہ عمران خان اور میں اسکول کے زمانے سے دوست ہیں، عمران خان نے کہاپی ٹی آئی میں آجائو، انہوں نے کہاتھاکہ جتنے چاہیں ٹکٹ لے لولیکن میں نہیں جانا چاہتا۔