کراچی،پرانی سبزی منڈی کے قریب پارک میں جھولا گرنے سے بچی جاں بحق

کراچی: پرانی سبزی منڈی کے قریب پارک میں جھولا گرگیا ، جس کے نتیجے میں ایک بچی جاں بحق ہوگئی جبکہ 16 دیگر افراد زخمی ہوئے۔

اطلاعات کے مطابق کراچی کے علاقے پرانی سبزی منڈی میں حال ہی میں بنائے جانے والے عسکری پارک میں جھولا گرگیا جس کے نتیجے میں 14سے 15 سالہ بچی جاں بحق ہوگئی جس کا نام کشف بتایا جارہاہے اورحادثے میں 16افراد زخمی ہوئے ہیں۔

حادثے کی اطلاع ملتے ہی ریسکیو ٹیم موقع پر پہنچ گئی اورجاں بحق بچی کی لاش اور زخمیوں کو طبی امداد کیلئے اسپتال منتقل کردیا ہے۔

کرین کے ذریعے جھولے کو بھی ہٹادیا گیاہے۔

رینجرز نے پارک کو عوام کے لیے بند کردیا گیا ہے جبکہ وہاں موجود لوگوں کو باہر نکالا جارہا ہے۔

دوسری جانب ایڈینشنل جنرل سندھ پولیس( آئی جی) نے سینئر سپرنٹنڈنٹ پولیس (ایس ایس پی) ایسٹ کو فوری ریسکیو اقدامات کی ہدایت کرتے ہوئے کہا ہے کہ زخمیوں کو فوری طبی امداد کی فراہمی یقینی بنائی جائے۔