آل پاکستان مسلم لیگ نے الیکشن میں عمران خان کی حمایت کردی

اسلام آباد: سابق صدر پرویز مشرف کی جماعت آل پاکستان مسلم لیگ نے الیکشن میں عمران خان کی حمایت کردی۔
آل پاکستان مسلم لیگ کے صدر ڈاکٹر امجد نے چیئرمین پاکستان تحریک انصاف عمران خان سے ملاقات کی اور این اے 54سے پی ٹی آئی کے امیدوار اسد عمر اور این اے 53سے عمران خان کے حق میں بھی دستبرداری کا اعلان کر دیا۔
ملاقات میں عمران خان کی جانب سے انتخابات میں حمایت کرنے کے اعلان کا خیرمقدم کیا گیا اور عمران خان نے ڈاکٹرامجد کا شکریہ بھی ادا کیا۔