کلبھوشن کیس،پاکستان نے عالمی عدالت میں جواب الجواب جمع کرادیا

رجمان دفترخارجہ محمد فیصل کے مطابق پاکستان کی جانب سے ڈائریکٹرانڈیا افیئرزفریحہ بگٹی نے جواب الجواب جمع کرایا۔ ہیگ میں پاکستانی سفارتخانے کے افسروسیم شہزاد بھی ان کے ہمراہ تھے۔

سفاری ذرائع کے مطابق ہیگ کی عالمی عدالت میں جمع کرائے گئے جواب الجواب میں بھارت کے تمام اعتراضات کو مسترد کیا گیا ہے۔

ذرائع نے بتایا کہ پاکستانی جواب اٹارنی جنرل کی سربراہی میں ماہرین کی ٹیم نے تیارکیا ہے۔

یہ پاکستان کی جانب سے جواب الجواب میں پہلا جواب ہے جبکہ کیس میں عالمی عدالت میں جمع کرائے گئے جوابات میں مجموعی طورپر دوسرا جواب ہے۔

سفارتی ذرائع نے بتایا کہ پاکستان کی جانب سے جواب میں بھارتی سوالات پرتفصیل سے جواب دیا گیا ہے۔

اس سے پہلے پاکستان نے بھارتی دہشت گرد کلبھوشن یادیو کے کیس میں اپنا جواب 13دسمبر2017 کو جمع کرایا تھا۔

واضح رہے کہ کلبھوشن یادیو کو3 مارچ 2016 کو بلوچستان سے گرفتار کیا گیا تھا، اس پرپاکستان میں دہشت گردی اورجاسوسی کے سنگین الزامات ہیں اورکلبھوشن نے تمام الزامات کا مجسٹریٹ کے سامنے اعتراف بھی کیا ہے۔

10 اپریل 2017 کو کلبھوشن یادیو کو جاسوسی، کراچی اوربلوچستان میں تخریبی کارروائیوں میں ملوث ہونے پرسزائے موت سنائی گی تھی لیکن بھارت کی جانب سے عالمی عدالت میں معاملہ لے جانے کے سبب کلبھوشن کی سزا پرعمل درآمد روک دیا گیا۔