ن لیگ جس مقام پر کھڑی ہے یہ سب اس کی غلطیوں کا نتیجہ ہے،چوہدری نثار

فتح جنگ: سابق وزیر داخلہ چوہدری نثارنے کہا کہ ن لیگ آج جس مقام پر کھڑی ہے یہ اس کی اپنی غلطیوں کا نتیجہ ہےلیکن میں آج بھی کہتاہوں محاذ آرائی کے بجائے انصاف مانگا جائے۔

فتح جنگ روڈ پر انتخابی جلسے سے خطاب کرتے ہوئے چوہدری نثار کا کہنا تھا کہ میرا نواز شریف سے 35 سال سے تعلق ہے لیکن لوگوں نے نواز شریف کے کان بھرے کہ نثار صحیح مشورے نہیں دے رہا تاہم میری دعا ہے کہ اللہ نواز شریف کی مشکلات کم کرے۔

سابق وزیر داخلہ کا کہنا تھا میں کسی جماعت کے ٹکٹ کا محتاج نہیں،میں ایک بار تھوک لوں پھر چاٹتا نہیں، چاروں نشستوں پر آزاد امیدوار کی حیثیت سے کامیابی حاصل کروں گا۔

چوہدری نثار نے کا کہناتھاکہ پاکستان کی اقتصادی صورتحال تشویش ناک حد تک خراب ہو چکی ہے،موجودہ صورتحال کا مقابلہ قومی اتحاد سے ممکن ہے جس کا دور دور تک کوئی امکان نہیں۔