اڈیالہ جیل میں نواز شریف کو اپنی والدہ سے ملنے بھی نہیں دیا گیا،شہباز شریف

راجن پور:پاکستان مسلم لیگ ن کے صدر شہباز شریف کا کہنا ہے کہ کہ اڈیالہ جیل میں نواز شریف کو اپنی والدہ سے ملنے بھی نہیں دیا گیا۔
تفصیلات کے مطابق راجن پور کے علاقے روجھان میں جلسے سے خطاب کرتے ہوئے شہباز شریف کا کہنا تھا کہ نوازشریف نے عوام کی سہولت کیلئے پنجاب میں صحت کارڈ کا اجرا کیا، میں نے راجن پور میں سیلاب کے دوران امدادی سرگرمیوں میں حصہ لیا۔
انہوں نے مزید کہا کہ جھوٹے خان نے خیبر پختونخواہ میں ایک کلو واٹ بجلی بھی پیدا نہیں کی اور نہ ہی کوئی یونی ورسٹی اور اسپتال بنایا۔ پشاور میں ڈینگی نے حملہ کیا تو جھوٹا نیازی خان نتھیا گلی چلا گیا۔
صدر مسلم لیگ ن نےکہا کہ اللہ نے موقع دیا توکوئٹہ،پشاور اورکراچی کولاہوربنادوں جبکہ راجن پور میں دانش ا سکول بناکردوں گا۔
شہباز شریف کا مزید کہناتھا کہ الیکشن میں بلے اور تیر کے نشان والوں کو ہرانا اور شیر کو جتوانا ہے۔