جیل میں میرے نانا کو مسجد میں نماز پڑھنے سےروک دیا گیاہے،جنید صفدر

لاہور:سابق وزیراعظم نوازشریف کے نواسے جنید صفدر نے کہاکہ میرے نانا نواز شریف کوجیل کی مسجد میں نماز پڑھنے سے روک دیا گیاہے۔

اطلاعات کے مطابق نواز شریف کو جیل کی مسجد میں نماز پڑھنے کی اجازت نہ دینے کی وجہ انکے خلاف کی گئی قیدیوں کی نعرے بازی ہے۔

ذرائع کے مطابق مسلم لیگ ن کے تاحیات قائد نوازشریف آج صبح جس وقت وہ بیرک کے سامنے واقع لان میں دل بہلانے کیلئے چہل قدمی کر رہے تھے کہ اسی دوران قیدیوں نے ان کے خلاف نعرے بازی شروع کر دی جس کو مدے نظر رکھتے ہوئے حکام نے انہیں جیل کی مسجد میں نماز ادا کرنے سے روک دیا ہے جبکہ ان کی جیل میں نقل و حرکت کوبھی محدود کر دیا گیاہے ۔

دوسری جانب نوازشریف اور مریم نواز کو سیکیورٹی خدشات کے پیش نظر اڈیالہ جیل سے سہالہ ریسٹ ہاوس میں منتقلی کی تجویز بھی زیر غور ہے جبکہ اسی حوالے سے میڈیا میں خبر بھی گردش کر رہی ہے۔