عمران خان نے الزامات کی سیاست کے علاوہ کوئی کام نہیں کیا،حمزہ

گوجرانوالہ:صدر مسلم لیگ ن شہباز شریف کے صاحبزادے حمزہ شہباز نے چیئرمین پاکستان تحریک انصاف عمران خان کو تنقید کا نشانہ بناتےہوئےکہا کہ عمران خان نے پانچ سالوں میں صرف الزامات کی سیاست کی ،کوئی کام نہیں کیا انہوں نے پانچ سال کنٹینر پر گزار دیے۔

حمزہ شہباز نے کہاکہ عمران خان اپنے صوبے میں ایک ڈیم بھی نہیں بناسکے ہیںاور نہ ہی وہ خیبرپختونخوا میں ایک درخت نہیں لگاسکے۔

دوسری جانب مسلم لیگ ن نے کام کیےن لیگ کے دور حکومت میں11 ہزارمیگاواٹ بجلی سسٹم میں شامل کی ہے۔

انہوں نے کہاکہ نواز شریف اپنی بیمار اہلیہ کو اسپتال میں چھوڑ کر واپس آئے وہ واپس آپنے لیے نہیں بلکہ عوام کیلئے آئے ہیں۔سابق وزیراعلیٰ پنجاب شہباز شریف کے صاحبزادے کا مزید کہناتھاکہ مسلم لیگ(ن)کودیوارسے لگایاجارہاہےلیکن مجھے پورایقین ہے( ن )لیگ واضح برتری حاصل کرےگی کیوںکہ25 جولائی کو عوام کی عدالت اپنا فیصلہ سنائے گی عوام ووٹ دے کر جیل کاپھاٹک توڑ دیں گے۔